Отбасындағы татулық пен өзара құрмет қоғамдағы тұрақтылықтың маңызды көрсеткіштерінің бірі саналады. Тұрмыстық зорлық-зомбылық тек жеке отбасының мәселесі емес, ол бүкіл қоғамның назарын қажет ететін әлеуметтік проблема. Оның алдын алу үшін азаматтардың құқықтық сауаттылығын арттырып, заңда көзделген жауапкершілік туралы түсіндіру жұмыстарын жүргізу керек. Отбасында туындаған келіспеушіліктерді күш қолдану арқылы емес, өзара диалог пен түсіністік арқылы шешуге ұмтылған жөн. Егер адам зорлық-зомбылыққа тап болса немесе өз қауіпсіздігіне алаңдаса, құқық қорғау органдарына және тиісті көмек көрсету қызметтеріне жүгіне алады. Балаларға сыйластық, мейірімділік және өзгенің жеке шекарасын құрметтеу құндылықтарын үйрету де үлкен рөл атқарады. Әрбір отбасы мүшесінің құқығы қорғалған кезде ғана қоғамда сенім мен қауіпсіздік нығая түседі.
Құралбек СӘБИТОВ