Конституция мемлекеттің құқықтық негізін айқындап, азаматтар мен мемлекеттік институттардың өзара қатынасындағы басты қағидаттарды белгілейді. Оны құрметтеу – заң талаптарын сақтау мен өзгенің құқықтарын мойындаудан басталады. Қоғамда құқықтық тәртіпті нығайту үшін азаматтардың құқықтық сауатын тұрақты түрде арттыру қажет. Әсіресе жас ұрпаққа заңның маңызын, азаматтық жауапкершілікті және қоғамдық келісімнің мәнін түсіндіру маңызды. Құқықтық ақпараттың қолжетімді болуы тұрғындарға өз құқықтары мен міндеттерін дұрыс түсінуге көмектеседі. Әр азамат заң талаптарын сақтап, қоғамдық өмірде жауапкершілік танытса, ортақ тәртіп пен өзара құрмет нығая түседі. Ата Заңды құрметтеу – тұрақты мемлекет пен әділетті қоғам қалыптастыруға бағытталған ортақ ұстаным.
Айжарық КӨПТІЛЕУОВ