Жеке куәліктің суретін немесе басқа құжаттардың көшірмесін интернет арқылы жіберу кейде қарапайым әрекет болып көрінеді. Алайда жеке мәліметтер бөтен адамның қолына түскен жағдайда оларды заңсыз мақсатта пайдалануға әрекет жасалуы мүмкін.
Әсіресе әлеуметтік желідегі белгісіз адамдарға құжат суреттерін жібергенде немесе түсініксіз сайттарға жеке ақпарат енгізгенде сақ болу керек. Құжатты не үшін сұрап отырғанын және ақпаратты алушының сенімділігін тексерген жөн. Кез келген өтінішке бірден келісе беру міндетті емес.
Егер жеке мәліметтердің алаяқтардың қолына түскеніне күмәндансаңыз, тиісті ұйымдарға хабарласып, жағдайды анықтаңыз. Қаржылық қызметтерге қатысты қауіп байқалса, банкке де жүгінген дұрыс.
Цифрлық дәуірде құжатты сақтау ғана емес, оның көшірмесін кімге және қандай мақсатта беріп жатқаныңды білу де маңызды.
ЕРЗАТ АСЫЛ