Қоғамдық орында дауласу кейде айқайға, балағат сөздерге немесе күш көрсетуге ұласуы мүмкін. Мұндай әрекеттер айналадағы адамдардың тыныштығын бұзып, қауіпсіздікке қатер төндіреді. Әсіресе балалар мен қарттар мұндай жағдайдан психологиялық тұрғыдан зардап шегуі мүмкін.
Келіспеушілік туындаған кезде сабыр сақтап, мәселені бейбіт жолмен шешуге тырысу керек. Қарсы тараптың сөзін тыңдау және жағдайды ушықтырмау – жанжалдың алдын алудың маңызды жолы. Егер қауіп туындаса, айналадағы адамдар қауіпсіз жерге шығып, тиісті қызметтерге хабарлағаны жөн.
Қоғамдық мәдениет адамның өз эмоциясын басқара білуінен де көрінеді. Өз пікірін білдіру әркімнің құқығы болғанымен, ол өзгелердің қауіпсіздігіне нұқсан келтірмеуі керек.
Тәртіпті қоғамда мәселе күшпен емес, заңды және өркениетті жолмен шешіледі.
ҚҰРАЛБЕК СӘБИТОВ