Табиғатты қорғау мен қоршаған ортаға жанашырлық таныту әр адамның күнделікті әдетіне айналуы қажет. «Таза Қазақстан» акциясы тұрғындарды тазалық сақтауға ғана емес, экологиялық мәдениетті қалыптастыруға да үндейді. Әсіресе жас ұрпаққа қоқысты сұрыптау, суды үнемдеу және табиғи байлықтарды қадірлеу дағдыларын үйретудің маңызы зор. Бұл бағытта отбасында берілген тәрбие мен мектеп қабырғасындағы түсіндіру жұмыстары өзара сабақтасуы тиіс. Экологиялық жауапкершілігі жоғары ұрпақ қалыптастыру – таза болашақтың негізі.
Тоғжан ЖОЛДЫҒАЛИ