Есірткі заттары адамның жүйке жүйесі мен миының жұмысын тез бұзады. Олар қуаныш пен мотивацияға жауап беретін табиғи механизмдерді істен шығарып, адамды жасанды әрі қысқа әсерге тәуелді етеді. Алғашқы қолданудың өзінде бақылауды жоғалту, улану немесе ауыр психологиялық күйге түсу қаупі жоғары. Уақыт өте келе дозаны арттыру қажеттілігі туындап, тәуелділік күшейеді, бұл денсаулықтың күрт нашарлауына және өмірге қатер төндіретін асқынуларға әкеледі. Есірткіден бас тарту — өз болашағың мен өміріңді сақтап қалудың нақты шешімі.
ҚҰРАЛБЕК СӘБИТОВ

