Алматы облысының Жамбыл ауданында АЭС салу жоспары бойынша ашық тыңдау кейін өтетін болды деп хабарлайды Жамбыл ауданының әкімдігі. Бұған дейін ашық тыңдау 28 ақпанда Жамбыл облысының Үлкен ауылында өтеді деп жоспарланған еді.
“Барлық деңгейдегі мәслихат депутаттарының өкілеттіктері мерзімінен бұрын тоқтатылуына және сайлауға дайындыққа байланысты қазір жергілікті өз-өзін басқару органдары өкілдері қатыса алмайды” делінген әкімдік хабарламасында.
АЭС салуға қатысты жария тыңдау мәслихат депутаттары сайланып, жасақталғаннан кейін өткізілмек. Жария тыңдау өтетін күн қосымша хабарланады.
Былтыр Қазақстан үкіметі елдегі электр энергиясы тапшылығын жою үшін Алматы облысы Жамбыл ауданының Үлкен ауылы маңында – Балқаш көліне жақын аумақта АЭС салуға шешім қабылдаған.
