Қазақстан табыс деңгейі жоғары елдер қатарына ену үшін экономиканың жылдық өсімі 6 пайызға жетуі тиіс. Бұл туралы бүгін Астанада елдің әлеуметті-экономикалық даму мәселелері қаралған жиында Қазақстан Президенті Қасым-Жомарт Тоқаев мәлімдеді.
«Былтыр экономикамыз 3,2 пайызға ғана өсті, ал биыл алғашқы үш айда өсім 4,9 пайызға жетті. Бұл жаман көрсеткіш емес, бірақ оған масаттанып, оптимизмге берілуге болмайды. Өсімнің қосымша көздерін іздеу қажет. Үкімет экономикалық өсімді қамтамасыз етудегі мақсаты жоғары болуы тиіс», – деді Қасым-Жомарт Тоқаев.
Мемлекет басшысы сондай-ақ кейінгі 10 жылда экономиканың инерциялық қарқынмен өсуі елімізді «орташа табыс қақпанына» түсіргенін, экономиканың сапалық тұрғыдан өсуінің берік іргетасын қазірден құрмаса халықтың табысы артпайтынын айтты. Орта табыс қақпанына» түскен елдерде экономикалық табыс орташа деңгейге жетіп, одан ары көтерілмейді немесе кері кетпейді.
