Табиғат – адамзаттың ортақ үйі. Біз таза ауамен тыныстап, мөлдір суды пайдаланып, табиғаттың байлығын көреміз. Сондықтан оны қорғау және сақтау әрбір азаматтың маңызды міндеті болып саналады.
«Таза Қазақстан» бастамасы адамдарды қоршаған ортаны таза ұстауға және табиғатқа жанашырлықпен қарауға шақырады. Еліміздің әр өңірінде ұйымдастырылатын тазалық шаралары халықты бір мақсатқа біріктіреді. Ағаш отырғызу, қоқыстарды жинау және қоғамдық орындарды ретке келтіру – табиғатты қорғаудың тиімді жолдары.
Табиғатқа қамқорлық жасау үлкен істерден ғана тұрмайды. Кейде бір тал егу, бір қоқысты жерден көтеру немесе суды босқа ағызбау да қоршаған ортаға пайдасын тигізеді. Ең бастысы – әр адамның бойында тазалық мәдениеті қалыптасуы қажет.
Табиғатты бүгін қорғасақ, ертеңгі ұрпақ та оның игілігін көреді. Сондықтан «Таза Қазақстан» бастамасына үлес қосып, еліміздің табиғатын бірге аялайық!
Ерзат АСЫЛ