Тұрмыстық зорлық-зомбылық – отбасының ғана емес, бүкіл қоғамның мәселесі. Отбасындағы күш көрсету, қорқыту, қорлау және психологиялық қысым адамның денсаулығына, қауіпсіздігіне әрі болашағына зиян келтіреді. Мұндай әрекеттерді жеке мәселе деп қабылдап, назардан тыс қалдыру жағдайдың ушығуына әкелуі мүмкін.
Зорлық-зомбылықтың алдын алуда құқықтық сауаттылықтың маңызы зор. Әр адам өз құқығын білуі, қиын жағдайға тап болған кезде көмек сұраудан қорықпауы керек. Куәгерлер де немқұрайдылық танытпай, қауіп төнген жағдайда полицияға хабарлағаны жөн.
Отбасы сыйластық пен сенімге негізделуі тиіс. Ал күш көрсету мен қорқыту ешбір жағдайда ақталмайды. Зорлық-зомбылыққа төзбеу – қауіпсіз қоғам қалыптастырудың маңызды қадамы.
Құралбек СӘБИТОВ