Қазақстанда коммуналдық қызметтердің тарифі өңірлердегі әлеуметтік-экономикалық жағдайға қарай біртіндеп өседі.
Бұл туралы Премьер-министр Әлихан Смайыловтың төрағалығымен өткен кеңесте айтылды.
«Қазіргі кезде электрмен, жылумен, сумен қамтамасыз ету және су бұру жүйелерінің тозуын азайту үшін «Тарифті инвестицияға айырбастау» қағидатына көшу жұмыстары басталды. Бүгінгі таңда тарифтерді өзгертудің барлық құқықтық негіздері қалыптастырылды. Бұл ретте, тарифтер өңірлердегі әлеуметтік-экономикалық жағдайды ескере отырып, кезең-кезеңімен көтеріледі», – делінген хабарламада.
Сонымен қатар барлық тұтынушы үшін коммуналдық қызметтердің әділ құнын қамтамасыз ету мақсатында тұтынудың әлеуметтік нормасын енгізу тетіктері әзірленеді.
