Алматы облысына қарасты Іле-Балқаш резерватының аумағында 6050 гектар жерде өрт болды. Қазірге дейін оның 6050 гектары сөндірілген, 150 га алаң жанып жатыр.
Бұған дейін әлеуметтік желілерде аталған аумақта қамыс жанып жатқаны туралы космомониторинг суреттері таралған еді. ТЖМ ол суреттердің бүгінгі күні өзектілігін жоғалтқанын айтады.
Министрлік өрттің көлік баруы қиын, батпақты аймақтарда болғанын, өрт сөндірушілер ол жерлерге жаяу барғанын айтады.
Қазіргі таңда Бақанас орман шаруашылығы учаскелерінде өрттің таралуын болдырмау үшін Орман шаруашылығы күштері жер жырту жұмыстарын жүргізіп жатыр. Өрттен елді мекендерге қауіп жоқ.
