Халықаралық BBC хабар тарату корпорациясы өзінің жаңалықтар қызметінде Алматы облысының туристік әлеуетін дамыту және ілгерілету мақсатында жарнама көрсете бастады. Жарнамада Алматы облысының әсем, бай табиғатын, көркем мәдениетін, көшпенді халықтың табиғатпен жарасып, үйлесімде өмір сүру өркениеті насихатталады.
Жарнамалық кампания барысында “BBC World news” эфирінде Еуропа, Таяу Шығыс және Орталық Азия елдеріндегі көрермендеріне алдағы 1 ай көлемінде Алматы облысы жайлы бейнероликтер ұсынылмақ.
“BBC news” хабарын Әлем бойынша 450 миллионнан аса көрермен тамашалайды.
