6-9 шілде күндері Қарасай ауданындағы «Гүлнар бақ» атшабарында аударыспақ пен көкпардан облыстық чемпионат өтті.
Дода Елорданың 25 жылдығын тойлау мақсатында ұйымдастырылды. Біріншілікке 2006-2008 жылы туған жасөспірімдер қатысты.
Көкпарда Еңбекшіқазақ, Райымбек, Кеген, Жамбыл, Қарасай аудандарының атынан 5 команда өнер көрсетіп, кегендіктер суырылып алға шықты. 2-орынды Жамбыл ауданы, 3-орынды қарасайлықтар жеңіп алды.
«Бізде ұлттық ат спорт түрлерімен 500-ге жуық оқушы айналысады. Олар үшін жылқылардың ең мықтысын таңдап алуға тырысамыз. Әрі біздің өзіндік тактикамыз да бар. Бір ойыншы серкені көтеріп жатса, келесісі оны бәсекелестерінен қорғап тұрады, үшіншісі қарсылас командаға өзі «шабуылдап», қазандыққа жолды тазалап отырады. Бұл біріншіліктен кейін біздің спортшылар үлкен белестерді бағындыратынына сенімдіміз», – деді Қарасай ауданындағы спорт мектебінің директоры Амандос Әукенов.
Ал аударыспаққа 50-ден астам салт атты қатысты. Олар 9 салмақ дәрежесінде ойын көрсетті.
Жарыс нәтижесі келесідей:
42 келі салмақ дәрежесінде:
1-орын – Азамат Даурен (Еңбекшіқазақ ауданы)
2-орын – Байбулан Айқын (Еңбекшіқазақ ауданы)
48 келі салмақта:
1-орын – Әбдрахман Ақжол (Кеген ауданы)
2-орын – Қойлюбай Алдияр (Еңбекшіқазақ ауданы)
3-орын – Матенов Жүрсін (Еңбекшіқазақ ауданы)
54 келі салмақта:
1-орын – Сабит Санжар (Райымбек ауданы)
2-орын – Олжаев Марлен (Қарасай ауданы)
3-орын – Манасбай Мирас (Еңбекшіқазақ ауданы)
59 келі салмақта:
1-орын – Ерғали Ақжігіт (Райымбек ауданы)
2-орын – Қайрат Абдусабыр (Райымбек ауданы)
3-орын – Мейрамбекұлы Ғабдуғазиз (Жамбыл ауданы)
65 келі салмақта:
1-орын – Сарсембай Сұлтанбек (Райымбек ауданы)
2-орын – Тынышбаев Дінмұхамед (Қарасай ауданы)
3-орын – Ізтілеуов Шыңғыс (Қарасай ауданы)
71 келі салмақта:
1-орын – Төкенұлы Алмас (Райымбек ауданы)
2-орын – Кеңесхан Алихан (Жамбыл ауданы)
3-орын – Пулатжан Ислам (Еңбекшіқазақ ауданы)
77 келі салмақта:
1-орын – Омархан Нурислам (Райымбек ауданы)
2-орын – Обылжан Әділет (Райымбек ауданы)
3-орын – Еркен Руслан (Еңбекшіқазақ ауданы)
Жалпы командалық есепте:
1-орын – Еңбекшіқазақ ауданы
2-орын – Кеген ауданы
3-орын – Жамбыл ауданы
Жеңімпаздар мен жүлдегерлер Алматы облысының дене шынықтыру және спорт басқармасының грамота, медаль, кубок және тиісті дәрежелі дипломымен марапатталды.
Alatau News
