“Mecenat.kz” әдеби байқауының III мауысымына романдарды қабылдау басталды. Өтінімдерді қабылдау 2024 жылдың 14-сәуіріне дейін жалғасады.
Байқауға Қазақстан туралы қазақ немесе орыс тілінде жазылған шығармалар қабылданады. Байқауға қатысатын романның көлемі – бос орындармен есептегенде 150 000 белгіден бастап, 300 000 белгіге дейін болуы шарт. Өтінімдерді қабылдау 2024 жылдың 14 сәуір күні, сағат 15:00-де (Астана уақытымен) аяқталады.
Байқау ережесіне басқа да өзгерістер енгізілген. Байқауға қатысушы өтінімді дұрыс, талапқа сай қылып ұсынуы тиіс, өтінімде қандай да бір қателік болса, қатысушы өзі жауап береді. Байқаудың ережелеріне сай келмейтін, ережені бұзған қолжазбалар байқаудың кез-келген кезеңінде шеттетіледі.
Байқау қорытындысында бір ғана автор жеңімпаз деп танылады және ол өмір бойы айына 500 АҚШ долларын алып отырады.
Байқау шарттарымен https://mecenatkz.com/ сайтынан танысуға болады.
Идея авторы және жобаның ұйымдастырушысы
Ерлан Асқарбеков. Жобаға қазақстандық қаржыгер Тимур Турлов қолдау көрсетеді.
