Қазақстанның Сыбайлас жемқорлыққа қарсы іс қимыл агенттігі мемлекет бюджетінің тиімді жұмсалуына қоғамдық бақылауды көздейтін, студенттік қоғамдастықта сыбайлас жемқорлыққа қарсы мәдениетті қалыптастыруға ықпал ететін, сондай-ақ азаматтар мен еңбек ұжымдарына тегін құқықтық көмек көрсетуге арналған «Сыбайлас жемқорлыққа қарсы волонтерлік» жобасын іске қосты.
Жоба идеясы қоғамда сыбайлас жемқорлыққа төзбеушілік ахуалын қалыптастыруға, сыбайлас жемқорлықпен байланысты заң бұзуға ықпал ететін жағдайлар мен себептерді анықтауға және олардың салдарын жоюға бағытталған. Еріктілер ретінде бей-жай қарамайтын азаматтар, қоғамдық бірлестіктер, бизнес және квазимемлекеттік сектор субъектілері, қоғамдық бақылау, сыбайлас жемқорлыққа қарсы зерттеулер жүргізетін, кәсіби көмек көрсететін өзге де ұйымдармен қатар тілек білдірген кез келген адам қатыса алады.
Көрсетілген бағыттар мен іс-шараларда шектеу жоқ, ерікті өзі жүзеге асыратын қызмет түріне қарай жеке іс-шараларды немесе жобаның бағыттарын таңдай алады. Айта кету керек, жақында жүргізілген әлеуметтік зерттеулерге сүйнетін болсақ, бағаның өсуі мен табыстың төмен деңгейіне наразы облыс тұрғындары әлі де сыбайлас жемқорлықтың озбырлығына алаңдайды. Жобаға қатысу үшін Агенттіктің аумақтық департаменттеріне хабарласу қажет.
Ерлан Альмагамбетов,
Қонаев қаласы
