Жамбыл аудандық мәдениет үйінде Қазақстанның халық әртісі, белгілі композитор Әсет Бейсеуовтың туғанына 85 жыл толуына орай “Шырқалсын Әсет әндері” атты мерекелік кеш өтті.
Мерейтой кешіне Жамбыл ауданы әкімінің орынбасары Ақниет Туматаев, зиялы қауым өкілдері, елімізге танымал әншілер, композитордың туыстары мен аудан тұрғындары қатысты.
Құттықтау сөз сөйлеген қонақтар әйгілі композитордың өмірі мен шығармашылығына тоқталып, Әсет Бейсеуовтің қазақ ән өнеріне қосқан сүбелі үлесін атап өтті.
Сонымен қатар Әсет Бейсеуовтанушы, жазушы Қазақстан халық ағарту ісінің үздігі, Жамбыл ауданының «Құрметті азаматы» Тұрсынбек Ешенқұловтың «Күн тұтылғанда» кітабы және Әсет Бейсеуовтың ұлы Данияр Бейсеуовтың «Балдаурен» атты кітаптарының тұсаукесер рәсімі өтті.
Шараның соңы «Алатау әуендері» концерттік ұйымы және «Сүйінбай сазы» ансамблінің «Шырқалсын Әсет әндері» атты концерттік бағдарламасына ұласты.
