Қонаев қаласы әкімінің өкімімен қала әкімінің орынбасары лауазымына Оңалбаев Жансұлтан Сағынайұлы тағайындалды. Бұл туралы Қонаев қалалық әкімдігінің баспасөз қызметі хабарлады.
1978 жылы Алматы облысында дүниеге келген. Білімі – жоғары, 2002 жылы Қазақстан-Ресей халықаралық университетін кеден ісі жөнінде инженер-эксперт, 2010 жылы Абай атындағы Қазақ Ұлттық педагогикалық университетін мемлекеттік және жергілікті басқару мамандығы бойынша тәмамдаған.
Еңбек жолын Ақтау қалалық кедендік бақылау департаментінде маман болып бастаған. Әр жылдары Алматы қаласындағы Алмалы ауданында кәсіпкерлік пен өнеркәсіпті дамыту бөлімінің басшысы, Алматы қаласы Алатау ауданы әкімінің орынбасары болып қызмет атқарған. 2019 жылдан 2020 жылға дейін Алматы қаласы Түрксіб ауданы әкімінің орынбасары лауазымында жұмыс істеген.
Сонымен қатар Қонаев қалалық білім бөлімінің де басшысы ауысты. Алматы облысы білім басқармасы басшысының бұйрығымен Сарсенбаева Қаламқас Қойшыбайқызы Алматы облысы білім басқармасының Қонаев қаласы бойынша білім бөлімінің басшысы лауазымына тағайындалды. Қаламқас Сәрсенбаева 2018 жылдан бастап Алматы облысы білім басқармасының Іле ауданы бойынша білім бөлімінің сектор меңгерушісі ретінде қызмет атқарған.
