Қонаев қаласының әкімі Нұрлан Құматаевтың тапсырмасына сәйкес, “Бірыңғай тапсырыс беруші қызметі” ШЖҚ МКК “Жасыл қала Қонаев” ШЖҚ МКК болып қайта құрылды. Бұл туралы Қонаев қалалық әкімдігінің баспасөз қызметі хабарлады.
Қазіргі таңда коммуналдық қызмет көрсетуші кәсіпорында 20 техника, 10 жүргізуші, 20 маман қызмет етеді.
Кәсіпорын басшысы Марк Бейдалидің сөзінше, мекеме мемлекеттік конкурстарға қатысады. Кейіннен қызметкерлер мен мамандардың саны көбейеді. Кәсіпорын қаланы көгалдандыруға, қоқыс шығаруға, қардан тазартуға атсалысатын болады.
