Алматы облысында Наурыз мерекесіне орай игілікті істер жалғасып жатыр деп хабарлайды Қонаев қалалық әкімдігінің баспасөз қызметі. Бүгін «Қазақстан халқына» қоғамдық қоры Қонаев қаласына қарасты ауыл мектептеріне 50 жолдама берді. Жолдама арқылы оқуда озат болған, барлық деңгейдегі пәндік олимпиадалардың, ғылыми жоба байқауларының жеңімпаздары жазғы лагерьге демалуға барады.
Тиісті сертификатты мектеп директорларына қала әкімінің орынбасары Сәуле Нұрсолтанова табыстады. Жалпы, балаларды қуантуға арналған бұл шара бірнеше жылдан бері дәстүрге айналған.
