Қала әкімдігінің ТҮКШ бөлімінің мәліметінше, тұрғын үйлердің жертөлелерінде масаға, қандалаға, бүргелерге қарсы дәрі шашу жұмыстары жүріп жатыр. Қазіргі таңда мердігер компания 2 шағын аудандағы үйлерді дезинсекциялауда, жалпы жоспар бойынша барлық тұрғын үйлерді қамту жоспарланған. Өңдеу жүретін уақыт алдын ала пәтер иелері кооперативтерінің басшыларына хабарланады.
Сондай-ақ қамыс, ашық жатқан аумақтар, парктер, скверлер де назардан тыс қалған жоқ. Мұндағы дезинсекциялаумен санитарлық-эпидемиологиялық бақылау басқармасы айналысуда. Өңделетін аймақ 11 га-дан асады. Өңдеу жұмыстары кезең-кезеңімен жаздың соңына дейін жүреді.
