4 маусым – Рәміздер күніне орай Қонаев қаласындағы жаңадан пайдалануға беріліп жатқан 12 қабатты үй тұрғындары балкондарына Мемлекеттік Туды іліп, патриоттық сезімдерін білдірді.
Рәміздер күніне орай «GRAND STANDARD» басқарушы компаниясына қарасты «KazSmu үй» компаниясы салып бітірген облыс орталығындағы 4-ықшамаудан 62 үйдің әр пәтерінің балконына Мемлекеттік Ту ілінді. Аталған бастаманың жай-жапсары мен орындалу барысы туралы басқарушы компанияның менеджері Андрей Колесник пен «СанСити» тұрғын үй кешенінің мүлік иелері ұйымының төрағасы Нарғыз Пилтан баяндап берді. Олардың айтуларынша, кейбір тұрғындар үйінде болмай қалып, біраз әуреге түскендерімен, барлық Туды іліп шығуға жарты күндей уақыт жұмсалған. Мұндай ұсынысты естіген тұрғындар да бастамаға қызу қолдау танытыпты.
Айжарық Көптілеуов
