Мемлекет басшысы Қасым-Жомарт Тоқаев бүгін 28 маусым – Бұқаралық ақпарат құралдарының қызметкерлері күніне орай өткен салтанатты жиында еліміздің журналистика және телевизия саласының дамуына елеулі үлес қосқан бір топ азаматты мемлекеттік наградалармен марапаттады. Еңбегі еленіп, мерейі тасыған азаматтар арасында әріптесіміз, Алматы облыстық “Огни Алату” қоғамдық-саяси газетінің бас редакторы, Қазақстанның Құрметті журналисі Забира Сайдильдина да бар. Әріптесімізге Президент өз қолымен “Құрмет” орденін табыстады.
Забира Сайдильдинаны және марапат алып, құрметке бөленген өзге де әріптестерімізді құттықтаймыз!
