Өзара сенім, достық пен тату көршілікті нығайту, саясат, сауда-экономика, ғылым және техника, мәдениет, білім беру, энергетика, көлік, экология және басқа салалардағы ынтымақтастықты қолдау мақсатымен құрылған Шанхай ынтымақтастық ұймының бүгінгі әлем аренасында алар орны ерекше.
Әсіресе, қазіргідей әр саяси тұрақсыздық белең алған уақытта оның маңызы да арта түскені байқалып отыр. Оның айқын көрінісі – ШЫҰ-ға мүше мемлекеттер санының артып жатқаны. Бүгін ғана Беларусь ШЫҰ-ның толыққанды мүшесі болып, Шанхай ынтымақтастық ұйымының саммитінде мүше мемлекеттердің басшылары Беларусь Республикасын Ұйым мүшелегіне қабылдауға қатысты бірқатар құжатқа қол қойды. ШЫҰ бастапқыдан-ақ кең халықаралық ынтымақтастыққа бағытталған, құрамы кеңейтілуге ашық ұйым болғандықтан ұйымға мүше мемлекеттер қатары бейбітшілікті, тұрақтылық пен қауіпсіздікті қолдауға, экономикалық және гуманитарлық ынтымақтастықты дамытуға ниетті елдермен әлі де толығары сөзсіз.
Роза Омарқызы,
Еңбекшіқазақ ауданы Аналар кеңесінің төрайымы
