Бұл туралы қалалық жұмыспен қамту және әлеуметтік бағдарламалар бөлімі мәлімдеді.
Жалпы, бұл бөлім 16 мемлекеттік қызмет көрсетеді. Соның ішінде жыл басынан бері келесідей жұмыстар атқарылды:
1. 166 жанұя, 856 аз қамтылған азаматқа 74 млн 893 мың теңге АӘК төленді;
2. 29 жанұяға тұрғын үй көмегі тағайындалып, 1 миллион 111600 мың теңге төленді;
3. Туберкүлезбен ауыратын 44 адамға 6 миллион 846000 теңге көлемінде әлеуметтік көмек көрсетілді;
4. Көпбалалы отбасылардағы балалардың балабақшадағы ата-ана төлемақысын 100% субсидиялау бойынша 75 балаға сомасы 5 миллион 510000 мың теңге төленді;
5. 415 адамға қайырымдылық көрсетілді.
Бұдан бөлек, ҰОС, тәжік-ауған соғысы ардагерлері, Чернобыль АЭС-і апатында зардап шеккендер, Семей ядролық сынақтарын жоюға тікелей қатысқан және соның салдарынан мүгедек болған адамдар, пробацияда есепте тұрғандар да назардан тыс қалған жоқ. Олардың барлығына бір реттік әлеуметтік көмек көрсетілді.
«Әлеуметтік қызметтер порталы мүгедектігі бар адамдарға оңалту құралдары мен қызметтерін тікелей жеткізушілерден өз бетінше сатып алу мүмкіндігін ұсынады. Осы портал арқылы 2024 жылдың III тоқсанында азаматтар 861 дана техникалық құралмен қамтылды. Сондай-ақ оңалту қызметтерімен мүгедектігі бар 356 адам қамтамасыз етілді», – деп жазды бөлім мамандары.
Қонаев қаласы әкімдігінің баспасөз қызметі
