«Бұқаралық спортты дамыту – мемлекет саясатының маңызды бағыты» – деп Қасым-Жомарт Кемелұлы Тоқаевтың Ұлттық құрылтайда берілген тапсырмасы бойынша Жетісу өңірінде қолға алынған игі бастамалармен үндесіп жатыр.
2025 жылдың 19 сәуір күні Талдықорған қаласындағы «Жастар» спорт сарайында көптен күткен J LEAGUE жобасының ресми ашылу салтанаты жоғары деңгейде өтті. Шараға арнайы ҚР Туризм және спорт министрлігі Спорт және дене шынықтыру істері комитеті төрағасының орынбасары Есембаев Нұрлан Абайұлы, Жетісу облысы әкімінің орынбасары Марлен Қапашұлы Көлбаев қатысты.
Шараның басты мақсаты – балалардың спортқа деген қызығушылығын арттыру, жеңіске деген жігерін оятып, тәжірибе жинауына мүмкіндік жасау. Ашылу салтанатына қатысқан қонақтар мен жас спортшылар бұл бастаманың ауқымына тәнті болды.
Жоба аясында 887 команда тіркеліп, 8870 бала қатысуға өтінім берген. Қатысушылар футбол, волейбол және баскетбол спорт түрлері бойынша бақ сынайды.
