23 жастағы сотталған қыз өз қылмысы ойланбай жасалған істің салдары болғанын мойындады. Айтуынша, Telegram желісінен жеңіл табыс туралы жарнаманы көріп, оның салдарын түсінбестен келісім берген. Бастапқыда тек несиелерін жауып, бұл іспен тоқтаймын деп ойлаған. Алайда әр іске жауап беру қажет.
Полиция қызметкерлері оның заңсыз әрекетінің жолын кесті. Сот оны 5 жылға бас бостандығынан айыру жазасына кесті.
Қазір ол істеген ісінің ауырлығын толық түсініп, шын жүректен өкінеді. Жазасын өтеу барысында бостандықтың, отбасының және әсіресе кішкентай балаларының қадірін ұққан. Сотталушының айтуынша, түрме – ешкімнің түспеуі тиіс орын. Ол бостандыққа шыққан соң өмірін таза парақтан бастап, тек адал және заңды жолмен өмір сүретінін айтты.
