Конституция – мемлекеттің қоғамдық құрылысын, азаматтардың негізгі құқықтары мен бостандықтарын және билік жүйесінің қағидаттарын айқындайтын басты құқықтық құжат. Оның ережелері елдегі заңнаманың қалыптасуына және мемлекеттік органдар қызметінің құқықтық негізіне арқау болады. Конституциялық нормаларды білу әр азаматқа өз құқықтары мен міндеттерін жақсы түсінуге мүмкіндік береді. Құқықтық мемлекет құру үшін заң талаптарын сақтау және өзгенің бостандығына құрметпен қарау маңызды. Осы бағытта қоғам арасында құқықтық сауаттылықты арттыратын түсіндіру жұмыстарының маңызы зор. Азаматтардың құқықтық мәдениеті олардың қоғамдық өмірге саналы қатысуына және жауапты шешім қабылдауына ықпал етеді. Конституцияны құрметтеу – заң үстемдігі мен қоғамдық келісімді нығайтудың маңызды шарты.
Айжарық КӨПТІЛЕУОВ