Әр азаматтың құқықтары мен бостандықтары заңмен қорғалады, сонымен бірге қоғам алдындағы белгілі бір міндеттері де бар. Өз құқығын білу адамға заңды мүддесін қорғауға мүмкіндік берсе, міндеттерін орындау ортақ тәртіптің сақталуына ықпал етеді. Конституциялық мәдениет азаматтардың мемлекет пен қоғам өміріне жауапкершілікпен қарауынан көрінеді. Қоғамдық орындарда тәртіп сақтау, басқа адамдардың ар-намысын құрметтеу және заң талаптарын орындау – азаматтық жауапкершіліктің күнделікті көрінісі. Бұл құндылықтарды жас ұрпаққа түсіндіруде отбасы мен білім беру ұйымдарының рөлі зор. Құқықтық сауатты азамат өз мәселесін заңды жолмен шешуге ұмтылып, құқық бұзушылыққа жол бермеуге тырысады. Құқық пен міндеттің өзара сабақтастығын түсіну әділетті әрі жауапты қоғам қалыптастыруға көмектеседі.
Айжарық КӨПТІЛЕУОВ