Құрметті қазақстандықтар!
Сіздерді барша адамзат баласы асыға күтетін, жаңа үміттер мен жарқын мақсаттар мерекесі – Жаңа жылдарыңызбен шын жүректен құттықтаймын!
Өтіп бара жатқан жыл тарих қойнауына өзіндік өрнегімен, жетістіктерімен және маңызды белестерімен еніп барады. Бұл жыл біз үшін бірлігіміз бекемделіп, еңбегіміз еселенген, елдігімізді танытқан берекелі кезең болды. Біз бірлесе отырып, мемлекетіміздің дамуы мен өркендеуі жолында айтарлықтай табыстарға қол жеткіздік.
Жаңа 2026 жыл әрбір қазақстандықтың шаңырағына құт-береке, ырыс пен бақ ала келсін. Ескі жылдың өкпе-реніші артта қалып, жаңа жыл тек жақсылықтардың бастауы болсын деп тілеймін.
Осы мерекелі сәтте баршаңызға:
* Мемлекетімізге – тыныштық пен тұрақтылық, көк байрағымыздың биікте желбіреуін;
* Әрбір отбасына – мықты денсаулық, таусылмас қуаныш және өзара түсіністік;
* Жас ұрпаққа – жарқын болашақ пен білім жолындағы толағай табыстар;
* Аға буынға – ұзақ ғұмыр мен қарттықтың берекесін тілеймін.
Жаңа жылда бастаған әрбір игі істеріңіз оңға басып, алға қойған асқақ арман-мақсаттарыңыз орындала берсін. Еліміздің экономикасы қуатты, әлеуеті асқақ, болашағы баянды болсын!
Жаңа жыл құтты болсын!
Құрметпен, Іле аудандық мәслихат депутаты Марат Жумагулов!
