Алматы облысы бойынша тұтынушылардың құқықтарын қорғау департаменті ағымдағы жылдың І тоқсанының қорытындысы бойынша «Сапалы өнім» бағыты аясында тұтынушылардың құқықтарын қорғау және нарықтағы өнім сапасын бақылау мақсатында бірқатар жұмыстар жүргізді.
Атап айтқанда, 73 түрлі өнім сатып алынып, тексеру жұмыстары жүргізілді. Нәтижесінде 62 жағдайда заң бұзушылық фактілері расталды, ал 10 жағдайда бұзушылықтар расталмады.
Тексеру қорытындысы бойынша 29 кәсіпкерлік субъектісіне әкімшілік айыппұл салынды.
Анықталған негізгі бұзушылықтар:
таңбалаусыз өнімдерді сату – 43 факт;
жарамдылық мерзімі өтіп кеткен өнімдерді өткізу – 4 факт.
Таңбалаудың болмауы тұтынушының тауар туралы толық әрі шынайы ақпарат алу құқығын шектейді. Ал жарамдылық мерзімі өтіп кеткен өнімдерді сату азаматтардың денсаулығына қауіп төндіреді.
Осыған байланысты тұтынушыларға өнім сатып алу кезінде тауардың таңбалануына, жарамдылық мерзіміне және сапасына ерекше назар аудару ұсынылады.
Департамент тарапынан тұтынушылардың құқықтарын қорғау және сапасыз өнімдердің сауда айналымына жол бермеу бағытындағы жұмыстар алдағы уақытта да жалғасатын болады.
Дина Адилхановна
ҚР Сауда және интеграция министрлігінің
Алматы облысы бойынша сауда және
тұтынушылардың құқықтарын қорғау
департаментінің бас маманы
Дина Адилхановн
