Қазіргі таңда барлығымыз «Таза Қазақстан » бастамасымен бір ниетте қимыл жасаудамыз. Тазалыққа экологиялық тұрғыдан ғана назар аударып келе жатқандаймыз. Ел президенті Қасым-Жомарт Тоқаев «Таза Қазақстан» идеясын тереңнен түсіндіреді. Тазалық ауладан емес, адамның ар-ұжданынан басталады.
«Таза Қазақстан» ұғымы тек көшелерді қоқыстан тазарту немесе экологиялық акциялармен шектелмеуі тиіс. Бұл — мемлекеттің, қоғамның және жеке тұлғаның ішкі тазалығын білдіретін терең философиялық концепция. Осы орайда, еліміздің дамуына тұсау болып отырған ең үлкен «қоқыс» — сыбайлас жемқорлық.
Экология мен Этиканың байланысы
Табиғатты ластау — қоршаған ортаға қиянат болса, жемқорлық — мемлекеттің болашағына жасалған қиянат. Екеуі де бір тамырдан, яғни жауапсыздық пен ашкөздіктен бастау алады.
Сыртқы тазалық: Көшелердің тазалығы, ағаш егу, қоршаған ортаны қорғау.
Ішкі тазалық: Мемлекеттік қызметтің ашықтығы, парақорлықтан ада болу, әділдік принциптерін сақтау.
«Сыбайлас жемқорлық — бұл қоғамның діңін шірітетін, мемлекетті ішінен кеміретін әлеуметтік дерт. Онымен күресу — тек заңның ғана емес, әрбір азаматтың ар-ұжданының ісі».
Рүстем Әлімов,
Кеген ауданы Қарабұлақ ауылдық округінің әкімі