Интернет пен телефон арқылы жасалатын алаяқтықтың түрі көбейіп келеді. Қылмыскерлер адамдардың сеніміне кіру үшін түрлі амалдарды қолданады. Кейде олар банк қызметкері болып қоңырау шалса, енді бірде мемлекеттік органның атынан хабарласады. Алаяқтардың басты мақсаты – жеке мәліметтер мен банк шоттарына қол жеткізу. Сондықтан телефон арқылы келген күмәнді ұсынысқа бірден жауап беруге асықпаған жөн. Карта деректері мен SMS арқылы келген кодтарды бөгде адамға айтуға болмайды. Қаржы пирамидасына ұқсайтын жобалар да жоғары табыс уәдесімен адамдарды қызықтырады. Мұндай жағдайда ұйымның қызметін, заңды тіркелуін және ұсыныстың шарттарын алдын ала тексеру қажет. Ақша аударымын жасамас бұрын шешімді қайта қарап, жақын адаммен кеңескен дұрыс. Қаржылық сауаттылық – алаяқтықтан қорғанудың тиімді құралдарының бірі.
Сая ЕРБОЛАТҚЫЗЫ