Отбасындағы ахуал адамның көңіл-күйі мен өмір сапасына тікелей әсер етеді. Сондықтан шаңырақта әр адамның өзін еркін әрі қауіпсіз сезінуі маңызды. Кей жағдайда түсініспеушілік ұрыс-керіске, ал оның соңы күш көрсетуге ұласуы мүмкін. Тұрмыстық зорлық-зомбылыққа тап болған адам мұндай жағдаймен жалғыз қалмауы керек. Қолдау сұрау әлсіздік емес, керісінше өз құқығын қорғаудың бір жолы. Құқық қорғау органдарына жүгінумен қатар арнайы мамандардан кеңес алуға болады. Отбасындағы жанжалдың балаға әсері де ескерілгені жөн. Үйдегі тұрақсыз жағдай баланың мінез-құлқына және эмоционалдық жағдайына ықпал етуі мүмкін. Сондықтан мәселелерді өзара құрмет пен ашық әңгіме арқылы шешуге ұмтылған дұрыс. Шаңырақтағы қауіпсіздік әр отбасы мүшесінің бір-біріне деген жауапкершілігінен басталады.
Сая ЕРБОЛАТҚЫЗЫ