Туған өлкенің табиғатын қорғау – әр азаматтың жауапкершілігі. «Таза Қазақстан» бастамасы осы жауапкершілікті арттырып, елді мекендерде тазалық пен абаттандыру жұмыстарын жүйелі жүргізуге бағытталған. Тазалық шараларына мемлекеттік мекеме қызметкерлері ғана емес, тұрғындар, жастар және қоғамдық ұйымдар да атсалысып келеді. Бір талды сындырмау, қоқысты кез келген жерге тастамау, қоғамдық орындарды таза ұстау сияқты қарапайым әрекеттердің өзі қоршаған ортаға үлкен пайда әкеледі. Табиғатты қорғау – бүгінгі күннің ғана емес, болашақтың да мәселесі. Сондықтан «Таза Қазақстан» идеясын әр отбасы күнделікті өмір салтына айналдырғаны жөн.
