Қауіпсіз қоғам құру ең алдымен қоғамдық тәртіпті сақтаудан басталады. Көшеде, аулада немесе қоғамдық көлікте өзгенің құқығына құрметпен қарау маңызды. Құқық қорғау органдары құқық бұзушылықтың алдын алу үшін халықпен тұрақты жұмыс жүргізіп келеді. Тұрғындармен кездесулер өткізіліп, өзекті мәселелер талқыланады. Қоғамдық орындардағы бейнебақылау жүйелері де қауіпсіздікті күшейтуге мүмкіндік береді. Дегенмен кез келген техникалық құралдың тиімділігі азаматтардың жауапкершілігімен ұштасқанда арта түседі. Күдікті жағдайды байқап, оны тиісті мамандарға жеткізу – бейжай қалмаудың бір көрінісі. Әсіресе балалар мен қарттар көп жүретін аумақтарда тәртіпке ерекше мән берген жөн. Қауіпсіздік туралы түсінік күнделікті өмірдің қарапайым ережелерінен қалыптасады. Тәртіпке бағынған қоғамда адамдардың өзара сенімі де нығаяды.
Сая ЕРБОЛАТҚЫЗЫ