Интернеттегі алаяқтықтың түрі көбейген сайын азаматтардың сақтығы да қажет.
Бейтаныс нөмірден қоңырау шалып, өзін банк қызметкері ретінде таныстырған адамға бірден сенуге болмайды.
Карта нөмірі, пароль, SMS-код сияқты мәліметтерді ешкімге айтуға болмайды.
«Ақшаңызды қауіпсіз шотқа аударыңыз» деген талап алаяқтықтың кең тараған тәсілдерінің бірі.
Әлеуметтік желідегі тым тиімді ұсыныстарға да күмәнмен қараған жөн.
Интернет дүкеннен зат аларда сатушы туралы пікірлер мен ресми ақпаратты тексеру керек.
Таныс адамның атынан ақша сұраған хабарлама келсе, алдымен онымен басқа байланыс арнасы арқылы сөйлескен дұрыс.
Қаржыға қатысты шешімді асығыс қабылдамау бірқатар қатердің жолын кеседі.
Күмәнді сілтемелерге өтіп, белгісіз қосымшаларды жүктеу де қауіпті.
Ақпаратты тексеру – жеке қаржыны қорғаудың ең қарапайым жолдарының бірі.
Сая ЕРБОЛАТҚЫЗЫ