Балқаш ауданында жастар арасында есірткі мен алкогольдің алдын алу мәселесі өзекті бағыттардың бірі болып қала береді. Жасөспірімдердің зиянды әдеттерге қызығушылығын төмендетуде ең алдымен дұрыс тәрбие мен пайдалы орта қажет. Спортпен шұғылдану, шығармашылықпен айналысу және қоғамдық жұмыстарға қатысу жастардың уақытын тиімді өткізуіне мүмкіндік береді. Есірткінің адам өміріне тигізетін зардабы туралы ақпаратты жасөспірімдерге түсінікті әрі нақты жеткізу маңызды. Құқық қорғау органдарының профилактикалық кездесулері бұл жұмыстың мазмұнын толықтыра түседі. Сонымен қатар ата-аналар баласымен ашық сөйлесіп, оның мәселелеріне бейжай қарамағаны жөн. Жастардың сенімді ортада тәрбиеленуі теріс ықпалдың алдын алуға көмектеседі. Есірткісіз қоғам құру – ортақ жауапкершілікті талап ететін маңызды міндет.
Алтынай СЕЙІТКЕН
Балқаш ауданы