Алкогольді шамадан тыс тұтыну бір адамның ғана емес, оның жақындарының да өміріне әсер ететін мәселеге айналуы мүмкін. Ішімдікке тәуелділік адамның еңбекке қабілетін төмендетіп, отбасындағы қарым-қатынасқа кері ықпал етеді. Мас күйінде жасалған жанжал кейде ауыр салдарға ұласады. Сонымен қатар алкоголь ішкеннен кейін көлік басқару жолдағы барлық адамның өміріне қауіп төндіреді. Сондықтан мас күйінде рөлге отырмау – қарапайым ғана емес, аса маңызды талап. Жастар арасында ішімдікке қызығушылықты төмендету үшін салауатты өмір салтын насихаттаудың маңызы зор. Спортпен айналысу, шығармашылықпен шұғылдану және пайдалы ортада уақыт өткізу адамның өмір салтын өзгертуге көмектеседі. Тәуелділік мәселесі бар адамды жазғырудан гөрі, оған кәсіби көмекке жүгінуге қолдау көрсеткен дұрыс. Мәселені ерте мойындау оны шешудің алғашқы қадамы бола алады. Денсаулықты бағалау мен жақындарының тыныштығын сақтау – әр адамның өз қолында.
Сая ЕРБОЛАТҚЫЗЫ