Құқықбұзушылықпен күресте оның салдарын жоюдан бұрын алдын алу шараларын күшейту маңызды. Есірткінің зияны туралы ақпаратты жастарға жүйелі түрде жеткізу олардың қауіпті әрекеттерден аулақ болуына ықпал етеді. Осы мақсатта білім беру ұйымдарында профилактикалық дәрістер, пікірталастар және ақпараттық кездесулер ұйымдастыруға болады. Мұндай шаралар барысында есірткіге тәуелділіктің медициналық, психологиялық және әлеуметтік салдары түсіндірілуі тиіс. Сонымен бірге қиын жағдайға тап болған жасөспірімдерге психологиялық қолдау көрсетіп, мамандардың көмегіне жүгіну мүмкіндігін қамтамасыз ету қажет. Ата-аналар, педагогтер және құқық қорғау қызметкерлері арасындағы байланыс неғұрлым берік болса, қауіптің алдын алу да соғұрлым нәтижелі болады. Салауатты орта қалыптастыру – есірткісіз болашаққа бастайтын маңызды қадам.
Құралбек СӘБИТОВ