Алкогольді шамадан тыс тұтыну адамның денсаулығына, отбасылық қарым-қатынасына және қоғамдық қауіпсіздікке кері әсер етеді. Мас күйде көлік жүргізу, қоғамдық орындарда тәртіп бұзу және отбасындағы жанжалдар секілді жағдайлар өзге адамдардың өмірі мен денсаулығына қауіп төндіруі мүмкін.
Алкогольге тәуелділіктің алдын алу үшін салауатты өмір салтын насихаттап, тұрғындардың денсаулыққа қатысты сауаттылығын арттыру қажет. Әсіресе жастарға зиянды әдеттердің салдарын түсіндіру және бос уақытты тиімді ұйымдастырудың маңызы зор.
Егер адам алкогольді тұтынуды бақылауда қиындыққа тап болса, мамандардың көмегіне жүгінгені дұрыс. Мұндай жағдайда қолдау көрсету мен емделуге мүмкіндік жасау маңызды. Алдын алу шаралары адамның өз денсаулығына жауапкершілікпен қарауына және қоғамдағы қауіпсіздіктің нығаюына ықпал етеді.
Тоғжан ЖОЛДЫҒАЛИ