Құқықтық сауаттылық – адамның өз құқықтары мен міндеттерін білуі, заң талаптарын түсінуі және күнделікті өмірде оларды сақтай білуі. Құқықтық сауаты жоғары азамат алаяқтықтан сақтануға, өз мүддесін қорғауға және құқық бұзушылықтардың алдын алуға қабілетті болады.
Қазіргі қоғамда әр адам еңбек, отбасы, мүлік, интернет қауіпсіздігі және қоғамдық тәртіпке қатысты негізгі құқықтық талаптарды білуі қажет. Заңды білмеу кейбір жағдайларда адамның өз құқығын қорғай алмауына немесе қате шешім қабылдауына әкелуі мүмкін.
Құқықтық сауаттылықты арттыру үшін мектептер мен оқу орындарында түсіндіру сабақтарын өткізу, халыққа арналған ақпараттық материалдар тарату және құқықтық кеңес беру мүмкіндіктерін кеңейту маңызды. Ақпаратты ресми әрі сенімді дереккөздерден алу да ерекше мәнге ие.
Заңды құрметтеу – өркениетті қоғамның белгісі. Әрбір азамат өз құқықтары мен міндеттерін жақсы білген сайын, қоғамдағы тәртіп нығайып, қауіпсіздік деңгейі артады.
Ерзат АСЫЛ