Қылмыстың алдын алу және азаматтардың құқықтарын қорғау – мемлекеттің маңызды міндеттерінің бірі. Әсіресе тұрмыстық зорлық-зомбылық қоғам үшін өзекті мәселелердің қатарына жатады. Отбасындағы күш көрсету адамның денсаулығына ғана емес, оның психологиялық жағдайына да кері әсер етеді.
Тұрмыстық зорлық-зомбылықтың алдын алу үшін халық арасында құқықтық түсіндіру жұмыстарын жүргізіп, әр азаматтың өз құқықтарын білуіне жағдай жасау қажет. Зорлық-зомбылыққа тап болған адамдар көмек сұраудан қорықпауы керек. Мұндай жағдайларда полицияға, дағдарыс орталықтарына немесе тиісті көмек көрсету ұйымдарына жүгінуге болады.
Әрбір отбасы сыйластық пен өзара түсіністікке негізделуі тиіс. Зорлық-зомбылықты жасыру мәселені шешпейді, керісінше оның ушығуына әкелуі мүмкін. Сондықтан қоғамның бейжай қалмауы және зардап шеккен адамдарға қолдау көрсетуі өте маңызды.
Құралбек СӘБИТОВ