Жол қозғалысы ережелерін сақтау – жүргізушілер мен жаяу жүргіншілердің қауіпсіздігін қамтамасыз етудің негізгі шарты. Жылдамдықты шамадан тыс арттыру, рөлге мас күйінде отыру және жол белгілерін елемеу ауыр зардаптарға әкелуі мүмкін. Сондықтан әрбір жүргізуші жолға шығар алдында көлігінің техникалық жағдайын тексеріп, қауіпсіздік талаптарын орындауы қажет. Жаяу жүргіншілер де жолды белгіленген жерден кесіп өтіп, бағдаршамның сигналдарына назар аударғаны жөн. Балаларға жолда жүру мәдениетін ерте жастан үйрету жол-көлік оқиғаларының алдын алуға ықпал етеді. Құқық қорғау органдарының түсіндіру шаралары мен жолдағы бақылау жұмыстары тәртіпті нығайтуға бағытталған. Жолда жауапкершілік таныту – өз өміріңді де, өзгенің өмірін де құрметтеу.
Құралбек СӘБИТОВ