Ұйғыр аудандағы №927 дауыс беру учаскесінде аудандық аналар кеңесінің ұйымдастыруымен шашу шашылып, дауыс беруге келушілерге қазақтың ұлттық тағамы бауырсақ үлестіріліп, ұлттық сусын шұбат берілді.
Аудандық аналар кеңесінің төрағасы Гүлжаһан Әликеева айтулы шараны ұйымдастырудағы мақсат ұлттық құндылықтарды насихаттау, сонымен қатар бұл күн ерекше күн екендігі келген дауыс берушілердің жадында сақталса деген ниетте жасалғандығын айтты.
Аналар кеңесінің мүшесі, аяулы ана Клара Рахымберлинова дауыс бершілерге аналық ақ тілегін арнады. Ақ жаулықты ана ретінде өз отбасындағы барлық балаларын ең әуелі дауыс беру учаскелеріне апарып, отбасымен дауыс беріп, өз таңдауларын жасағанын жеткізді.
Дауыс беру учаскесіне келушілер бұған дейін осындай әдемі көріністі көрмегендіктерін айтып, таңданысып та жатты. №927 дауыс беру учаскесінде нағыз мерекенің лебі есіп тұр. Әрбір келген дауыс беруші бауырсақтан ауыз тиіп, ұлттық сусыннан дәм татып жатты.
Осындай тарихи сәтті бар жүректерімен сезінген тұрғындар саны бұл дауыс беру учаскесінде толастар емес.
Анар Дүйсенбайқызы
