Облыстық тілдерді дамыту жөніндегі басқарма мен «Тіл» оқу-әдістемелік орталығының ұйымдастыруымен «Оқыту орталықтарының жұмысын жүйелендіру» байқауы аясында жыл үздіктерін марапаттау шарасы өтті.
Жиынға 9 аудан мен 1 ауылдық округ филиалының өкілдері қатысты. Шарада «Тіл» оқу-әдістемелік орталығы Ұйғыр аудандық филиалының меңгерушісі Әйгерім Сейілқанқызына «Үздік ұжым» номинациясы мен сертификат табыс етілді. Аталмыш ұжым Қазақстан Республикасындағы тіл саясатын іске асырудың 2020-2025 жылдарға арналған мемлекеттік бағдарламасын жүзеге асыруда жоғары көрсеткішке қол жеткізгені үшін марапатқа лайық деп танылған.
2008 жылы ашылған «Тіл» оқу-әдістемелік орталығының Ұйғыр аудандық филиалын былтырғы наурыз айынан бері Әйгерім Арымбек басқарады. Мекеме аудан тұрындарының тілдерді меңгеруі бағытында жұмыс істеп келеді. Орталықта ұлт өкілдері үшін мемлекеттік тіл – қазақ тілі, кез келген ұлт өкілдері үшін ағылшын тілі мен іс жүргізу курстары тегін оқытылады.
Перизат Сембекқызы,
«Тіл» оқу-әдістемелік орталығы Ұйғыр аудандық филиалының
мемлекеттік тіл курсының оқытушысы