Жамбыл ауданындағы «Baqsy» сауықтыру кешенінде бокстан жастар арасында Алматы облысының чемпионаты өтті.
Жарысқа облысың 8 ауданы мен Қонаев қаласынан 2011-2012 жылы туған жас спортшылар қатысты. Барлығы 9 команда, 220-дан аса қатысушы бақ сынады. Олар 16 салмақ дәрежесінде (30 келіден 70 келіден жоғары) сайысқа түсіп, 32 медаль жиынтығын сарапқа салды.
ұйымдастырушылар чемпионат Алматы облысында бокстың қарқыны жақсы екенін көрсеткенін айтады.
«Облыс біріншілігі жаңа бастаған боксшылар үшін маңызды жарыс болды. «2025 жылдың 25-31 қаңтары аралығында Қостанай облысында өтетін Қазақстан чемпионатына қатысу үшін Алматы облысының үздік боксшыларын іріктеу негізгі міндет болды», – деп атап өтті жарыстың бас төрешісі Тілек Манап.
Бес күнге созылған жарыстың қорытындысы бойынша: Еңбекшіқазақ облысының өкілдері Камил Ахмедов, Ерасыл Мәули, Наил Ахмедов, Тамерлан Сман және Әлихан Исламов; Іле өңірінің боксшылары Айқын Нұрлыбек, Әмір Нұрболат, Нұржан Жанүсіп, Мұрат Кеңесбай және Нұрасыл Хасан; Қарасай ауданынан Айбек Әлімқұл мен Нұрдәулет Сәкенов; Әлихан Смағұл (Жамбыл облысы); Айбын Мәжит (Талғар ауданы); Мағжан Шәріпхан (Қонаев қ.); Әлихан Бекбосын (Райымбек ауданы) үздік деп танылды.
