Мемлекет басшысы Қасым-Жомарт Тоқаев «Әділетті Қазақстан: заң мен тәртіп, экономикалық өсім, қоғамдық оптимизм» атты Қазақстан халқына Жолдауында 2025 жылды «Жұмысшы мамандықтар жылы» деп жариялағаны белгілі.
Халықтың өмір сүру деңгейін арттыру мақсатында Қазақстан Республикасының еңбек нарығын дамытудың 2024-2029 жылдарға арналған тұжырымдамасы іске асырылуда.
Еңбек адамының беделін көтеру, кәсіби білім беру және еңбек нарығына қажетті мамандықтар бойынша оқытуды жетілдіру 2025 жылдың басты мақсаты және негізгі жоспардың бірі.
Осы мақсатта Алматы облысында жұмыстар жүйелі жүріп жатыр. Олардың бірі – Қарасай ауданында өткізілген ауқымды басқосу. Шараға Алматы облысы әкімдігінің өкілдері, басқарма басшылары мен бір қатар жоғарғы оқу орындарыныңбасшылары, қызметкерлері, ірі кәсіпорындар мен колледж өкілдері және Павлодар облысы мен Алматы облысының еңбек мобильділігі орталығының құрамы қатысты. Олар жұмысшы мамандықтарының мәртебесін көтеру мен оларға көрсетілетін қолдау мәселесін жан-жақты талқылады.
Жиында сөз алған Алматы облыстық жұмыспен қамтуды үйлестіру және әлеуметтік бағдарламалар басқармасының басшысы Айгүл Ахметова Президенттің бұл бастамасы экономикалық тұрақтылық пен әлеуметтік прогрестің басты факторы ретінде жұмысшы кәсіптерінің рөлін күшейтудегі стратегиялық қадам екенін атап өтті.
