Жамбыл ауданында сүзгі алаңдарының қорғаныс құрылымының бұзылуын жою бойынша жергілікті атқарушы органдар жедел іс-әрекетке кірісті.
6 наурыз күні таңғы сағат 08:25 шамасында Ұзынағаш ауылында сүзгі алаңдарының қорғаныс құрылымы бұзылып, салдарынан 30 үйдің ауласын су басты.
Оқиға орнына аудан әкімі орынбасары А. Туматаев, тұрғын үй-коммуналдық шаруашылық бөлімінің жетекшісі К. Абсейтов, ТЖ қызметкерлері және Ұзынағаш ауылдық округінің өкілдері дереу жетті. Қазіргі уақытта облыстық ТЖ департаментінің басшысы оқиға орнына шығып кетті.
Келесі су басудың алдын алу және салдарын азайту мақсатында қорғаныс құрылымдарын нығайту және тұрмыстық ағынды суларды тұрғын үйлерден бөлу жұмыстарын жүргізу қолға алынған. Зардаптарды жою жұмыстарына 5 арнайы техника (қосымша тағы 5 техника тартылуда) және 15 маман жұмылдырылған.
Қазір барлық қажетті шаралар қабылданып жатыр. Келесі өзгерістер туралы уақытылы хабарланатын болады.
