Төтенше жағдайлар министрлігінің хабарлауынша, 14 маусым күні сағат 21:00-дегі әуеден барлау және жедел жағдайды бағалау қорытындысы бойынша Абай облысының “Семей резерваты” орман шаруашылығындағы өрт оқшауланды.
Ведомство негізгі күш-жігер жергілікті от ошақтарын сөндіруге және жаңаларының пайда болуына жол бермеуге бағытталып отырғанын жеткізді.
Сонымен қатар, өрт толық жойылғанға дейін оқшауланған ошақтардың орындарына үнемі су төгіліп, өрттің шеті топырақпен толтырылып отырмақ.
Абай облысындағы орман 8 маусымнан бері өртеніп жатыр. Өрттен 14 орманшы қаза тауып, 12 маусымда елде жалпыұлттық аза тұту жарияланды.